舊飯【#實地考舊】六旬夫妻苦心傳承先父遺物藏品─燈謎文化站

中秋節將至，長久以來「猜燈謎」是月圓之夜嘅傳統文化活動，但燈謎背後嘅製謎師原來博學多聞，好考功夫！年逾60歲嘅白雲階傳承先父國學精粹，唔捨得父親多年儲落嘅藏品成為垃圾，於是同老婆不惜係觀塘租工廈空間，一手創辦「燈謎文化站」，今年7月開幕，邀請公眾到文化站動動腦筋，以謎會友。細小空間擺放幾個明亮通透的展櫃，陳列着白氏父子和兩大耆老謎家（劉雁雲，張伯人）合計接近三個世紀嘅創作精髓。天花懸掛各式各樣燈謎傑作，包括英文謎。白氏夫婦形容燈謎文化站，同時是回收站，皆因佈置的材料均是利用身邊好友的剩餘物資，再加以修整成為眼前的空間，「隔離印刷廠見到我在地下執他們棄置的『紙頭紙尾』，之後就經常拿過來給我們用。」值得注意嘅係，今年10月1日晚上8時半至11時，佢哋會有個猜謎會，慶國慶兼賀中秋喎。獎品係乜？就係白雲階師傅私人珍藏嘅世界各地郵票嘞~考舊地點：燈謎文化站(官塘工業中心第二期六樓E座)考舊重點：燈謎由來與發展考舊評核：80分，有返咁上下文學功底先好猜，如果唔係企全日都未估到！最好就搵大師俾下貼士，咁就過癮啦！